Elisha ben Abuyah
| Elisha ben Abuyah | |
|---|---|
| Bizitza | |
| Jaiotza | Jerusalem, 70 |
| Herrialdea |  Antzinako Erroma |
| Heriotza | Antzinako Erroma, 135 (64/65 urte) |
| Hobiratze lekua | Nabi Shu'ayb (en)  |
| Hezkuntza | |
| Hizkuntzak | Mishnaic Hebrew (en) |
| Ikaslea(k) | ikusi
|
| Jarduerak | |
| Jarduerak | errabinoa, apaiza eta scholar (en) |
| Sinesmenak eta ideologia | |
| Erlijioa | judaismoa |
Elisha ben Abuyah (hebreeraz: אלישע בן אבויה; Jerusalem, I. mendea) bere fedeari uko egin zion irakasle judua izan zen. Mendeetan zehar, bera izan da judu heretikoen eredu nagusia. Talmud liburuan zeharka baizik ez dute aipatzen, eta Aher izenaz beti (hebreeraz «bestea»). Fedearen ageriko ukapen horrek min handia eragin zuen juduen artean, Palestinan lege-judua irakasten zuten 200 tanna edo maisu nagusien artekoa baitzen. Etxe oneko semea zen; txikitatik hasi zen irakasle-ikasketetan, baina tanna bihurtu ondoren uko egin zion ortodoxia hari. Talmuden arabera, Elishak saldu egin zituen bere herrikideak, Hadriano Erromako enperadoreak juduen aurkako jazarpenari ekin zionean. Talmud liburuan Elishari buruz agertzen diren datuak ez dira batere garbiak; datu batzuen arabera, kultura eta filosofia grekoetan barrena abiatu zen. Beste pasarte batzuek bi jainkoengan sinisten zuela adierazten dute, beste hainbatek kristau bihurtu zela diote, eta, azkenik, bada gnostikoekin harreman estuak izan zituela adierazten duenik. Dena den, Elisharen apostasiaren jatorria misterioz betea ageri da gaur egun ere, argi dago Elisharen jokaera hark eragin handia izan zuela bere garaian.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Autoritate kontrola |
|---|
Datuak: Q542710
