Gérard Depardieu

Gérard Depardieu
Irudi gehiago
Epaimahaiko presidentea Cannesko Zinemaldian ← Roman Polański - Louis Malle →
Bizitza
Jaiotzako izen-deiturak	Gérard Xavier Marcel Depardieu
Jaiotza	Châteauroux, 1948ko abenduaren 27a (75 urte)
Herrialdea	Arabiar Emirerri Batuak  Frantzia  Errusia  (2013ko urtarrilaren 3a -
Bizilekua	Châteauroux
Lehen hizkuntza	frantsesa
Familia
Aita	René Depardieu
Ama	Anne Depardieu
Ezkontidea(k)	Karine Silla Élisabeth Depardieu  (1971ko otsailaren 19a -  1996ko azaroaren 2a)
Bikotekidea(k)	ikusi Carole Bouquet Karine Silla
Seme-alabak	ikusi Julie Depardieu Guillaume Depardieu Roxane Depardieu Jean Depardieu (en)
Anai-arrebak	ikusi Alain Depardieu
Familia	ikusi Delphine Depardieu (en) (iloba)
Hezkuntza
Hizkuntzak	frantsesa
Irakaslea(k)	Jean-Laurent Cochet (en)
Jarduerak
Jarduerak	zinema aktorea, antzerki aktorea, film-zuzendaria, zinema ekoizlea, telebista-ekoizlea, enpresaburua, aktorea, ahots-aktorea eta abeslaria
Ibilbidea Taldeak Urteak J G
Altuera	1,8 metro
Jasotako sariak	ikusi Ohorezko Legioko zalduna  (1996) Merezimenduaren Ordena Nazionaleko Zalduna  (1985) Volpi Cup for Best Actor 7 d'Or Lumière Award, Lyon Festival of cinema Gizonezko aktore onenaren César Saria  (1981) : Le Dernier Métro National Society of Film Critics Award for Best Actor  (1983) : The Return of Martin Guerre (en) , Danton (1983ko filma) Golden Globe Award for Best Actor – Motion Picture Musical or Comedy  (1990) : Green Card Cannes Film Festival Award for Best Actor  (1990) : Cyrano de Bergerac Gizonezko aktore onenaren César Saria  (1991) : Cyrano de Bergerac London Film Critics Circle Award for Actor of the Year  (1992) : Green Card, Cyrano de Bergerac Stanislavsky Award  (2006) Lumières Award for Best Actor  (2007) : The Singer (en) Golden Lion for Lifetime Achievement  (1997)
Sinesmenak eta ideologia
Erlijioa	kristautasun ortodoxoa

Gérard Xavier Marcel Depardieu^ⓘ (Châteauroux, 1948ko abenduaren 27 - ), Frantziako aktorea da. 2013tik Жерар Депардьё izenarekin errusiar herritarra da.

Biografia

Haurtzaro zaila izan zuen eta hamasei urte bete zituen arte hainbat lanetan aritu zen bizibidea ateratzeko. Adin horretan Parisa joan zen, eta arte dramatikoko ikastaroak egin zituen. Antzerkian, telebistan eta zineman aritu zen. Lehenengo filma 1970ean egin zuen, eta 1974an ospetsu egin zen Les Valseuses de Bertrand Blier filmean zuen paperari esker.

Ez du galai gaztearen itxurarik, begirada lotsagabea, eta aldi berean, apala eta samurra du; nabarmena da bere fisikoaren eta bere gizatasun handiaren arteko kontrastea, eta ezaugarri horiei eskerrak edozein eratako paperak sinesgarri bihurtzen ditu: maitemindu sutsuarena Claude Millerren Dites-lui que je l'aime (1977, Esaiozu maite dudala), François Truffauten La Femme d'à côté (1981, Ondoko emakumea) lanetan; harroputzarena Marco Ferreriren La Dernière femme (1976, Azken emakumea) lanean; baldarrarena Maurice Pialaten Loulou (1980) filmean; antzezlearena F. Truffauten Le Dernier métro (1980, Azken metroa); apaizarena M. Pialaten Sous le soleil de Satan (1987, Satanen eguzkipean) lanean; mozkorrarena, Claude Berriren Uranus (1990) filmean. Film historikoetan lan egin du: Cyrano de Bergerac (1990), Tous les matins du monde (1990, Munduko goiz guztiak). Komedia arin eta komertzialak arrakasta handiko film bihurtzeko gaitasuna izan du, hala nola La Chèvre (1981, Ahuntza), Les Fugitives (1986, Iheslariak), Les Anges gardiens (1995, Aingeru zaintzaileak), Astérix et Obélix contre César (1998, Asterix eta Obelix Zesarraren kontra). Horrez gainera, zuzendari berrien lanak babestu ditu: Daniel Vigneren Le Retour de Martin Guerre (1982, Martin Guerreren itzulera), François Dupeyronen Drôle d'endroit pour une rencontre (1988, Leku berezia elkartzeko), Yves Angeloren Le Colonel Chabert (1994). Hogeita bost urtean laurogei film egin ditu eta nazioartean gehien ezagutzen den frantses antzezleetako bat bihurtu da.

New Yorkeko kritikariek 1983. urteko antzezle onenetzat hartu zuen Martin Guerreko paperagatik. Estatu Batuetan bi film egin ditu; Green Card (1990) izan da horietako bat, zeinarekin izan baitu arrakasta handia hango ikusleen artean.

Filmografia

Erreferentziak

Wikimedia Commonsen badira fitxategi gehiago, gai hau dutenak: Gérard Depardieu