Nicolas Froment

Nicolas Froment
Bizitza
Jaiotza	Uzès, 1430 ^{(egutegi gregorianoa)}
Herrialdea	Frantziako Erresuma
Heriotza	Avignon, 1484 ^{(egutegi gregorianoa)} (53/54 urte)
Hezkuntza
Hizkuntzak	frantsesa
Jarduerak
Jarduerak	margolaria
Lantokia(k)	Avignon
Mugimendua	School of Avignon ^(en)
Genero artistikoa	erretratua

Nicolas Froment (Uzès, 1435 inguruan - Avignon, 1486 inguruan) lehen Pizkundeko frantziar margolaria izan zen, Avignongo bigarren eskolako garrantzitsuenetakoa.

Bizitza

1461 aldean, Toscanako lurretan ibili zen, Italian, non erretaula bat egin baitzuen, Lazaroren piztuera (Uffizi Galeria, Florentzia). Gero, Avignonen lan egin zuen. René Anjoukoa erregearen margolari ofizial izendatu zuten, eta Proventzako artearen ezaugarriak erabiliz Sasi Irazekia (1475-1476, Saint-Sauveur katedrala, Aix-en-Provence) egiteko agindua hartu zuen.

Margokera

Haren estiloak eklektizismo moduko bat erakusten du, flandestarren zehaztasuna Florentziako estiloarekin bat eginez. Argi ikusten da hori bere obra nagusietan: Lazaroren piztuera eta Sasi Irazekia. Hala, irudien trataera ia eskulturazkoa da bi lanetan, eta adierazkortasuna oso nabarmena, zenbaitetan karikaturari ere hurbiltzen zaiona.

Aipaturiko bi obra horietan, Sasi Irazekia-k du estilo helduena. Ikonografiak Andre Mariaren birjintasuna azpimarratzen du, eta bitxi samarra da; bestalde, erdiko gorputzak eta alboetako biek Roger van der Weydenen eta Dirk Boutsen eragina dute, paisaiaren deskribapen oparoan eta oihalen aberastasunean batez ere.

Iruditegia

Irudi bat handitzeko, klika ezazu gainean.

Jesukristo eta Marta, Lazaroren piztuera erretaularen ezkerreko ohola, 1461, Uffizi Galeria, Florentzia.
Sasi Irazekia, erdiko ohola, 1475-1476, Saint-Sauveur katedrala, Aix-en-Provence.
Sasi Irazekia, alboetako oholak, 1475-1476, Saint-Sauveur katedrala, Aix-en-Provence.
Matheron diptikoa: René Anjoukoa eta Jeanne de Lavalle, 1475 aldean, Louvre, Paris.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Nicolas Froment

Autoritate kontrola	Wikimedia proiektuak Datuak: Q712821 Multimedia: Nicolas Froment / Q712821 Identifikadoreak WorldCat VIAF: 7660228 ISNI: 0000000037292984 BNF: 14974273f (data) GND: 11870334X LCCN: nb2007021318 SUDOC: 101878184 ULAN: 500028872 RKD: 29621 Hiztegiak eta entziklopediak Lur: 02239/eu_f_1285/f1285 Britannica: url