Pipin

Pipin

Jatorria
Ezaugarriak




Libretista	Roger O. Hirson ^(en) eta Bob Fosse
Bestelako lanak
Musikagilea	Stephen Schwartz

Pipin (jatorrizko izenburua, ingelesez, Pippin) 1972ko antzerki musikal bat da, zeinean musika Stephen Schwartzek idatzi zuen, eta hitzak Schwartzenak eta Roger O. Hirsonenak diren. Bob Fossek zuzendu zuen Broadwayko (New York hiriko antzerki musikalaren ediguneko) jatorrizko ekoizpena zuzendu eta libretoan ere lagundu zuen.

Argumentua

Erdi Aroko pertsonaiekin osatuta dago lana, eta protagonistak dira Karlomagno eta bere semea Pepin Konkorduna, baina gertaerek ez dute oinarri historikorik: argumentuaren ildoa printzearen kezkak dira, bizitzan helburuak eta zentzua erdiesteko lanak^[1].

Euskarazko bertsioa

Lanaren itzulpenen artean, euskarazko eta gaztelaniazko egokitzapena egin zuen Luis Iriondok 1987an^[2], Eusko Jaurlaritzaren laguntzarekin^[3]. Ekoizpen hura Zintzilik antzerki taldeak taularatu zuen. Jantziak eta eszenatokiko diseinua Nestor Basterretxeak egin zituen; koreografia Nacho Arrietak eta zuzendaritza Jokin Cuetorena izan zen. Gaztelaniazko bertsioa Madrilgo antzokietara iritsi zen 1988an^[4].

Izenaren inguruan

Pippin ingelesezko izenaren euskarazko forma Pepin da^[5]. Musikalaren izena euskaratu zenean, Pipin forma aukeratu zen 1987an^[1].

Erreferentziak

↑ ^a ^b «Chema Purón/ Producción "Pippin"» www.chemapuron.com (Noiz kontsultatua: 2019-06-21).
↑ «Aktore lanetan - Pippin musikala (1987) - Jakin.eus» www.jakin.eus (Noiz kontsultatua: 2019-06-21).
↑ «Balantzearen ordua - Lanean beti gustura eta ilusioz - Jakin.eus» www.jakin.eus (Noiz kontsultatua: 2019-06-21).
↑ ABC: 86. 1988-02-23.
↑ «Euskaltzaindiaren 181. araua. Erdi Aroko pertsona-izenak.» www.euskaltzaindia.eus (Noiz kontsultatua: 2019-06-21).