Willard Libby
| Willard Libby | |
|---|---|
  Irudi gehiago | |
| Bizitza | |
| Jaiotza | Grand Valley (en)  , 1908ko abenduaren 17a |
| Herrialdea |  Ameriketako Estatu Batuak |
| Heriotza | Los Angeles, 1980ko irailaren 8a (71 urte) |
| Familia | |
| Ezkontidea(k) | Leona Woods |
| Hezkuntza | |
| Heziketa | Kaliforniako Unibertsitatea Berkeleyn Princetongo Unibertsitatea Analy High School (en) |
| Tesi zuzendaria | Wendell Mitchell Latimer (en) |
| Doktorego ikaslea(k) | Frank Sherwood Rowland Maurice Sanford Fox (en) |
| Hizkuntzak | ingelesa |
| Jarduerak | |
| Jarduerak | kimikaria eta unibertsitateko irakaslea |
Parte-hartzailea
| |
| Enplegatzailea(k) | Kaliforniako Unibertsitatea Los Angelesen Kaliforniako Unibertsitatea Berkeleyn Chicagoko Unibertsitatea |
| Jasotako sariak | ikusi
|
| Kidetza | Suediako Zientzien Errege Akademia Zientzia eta Humanitateen Heidelbergeko unibertsitatea Arteen eta Zientzien Ameriketako Estatu Batuetako Akademia Ameriketako Estatu Batuetako Zientzien Akademia Nazionala |
  | |
Willard Frank Libby (Grand Valley, 1908ko abenduaren 17a - Los Angeles, 1980ko irailaren 8a) AEBetako kimikaria izan zen. Kaliforniako Unibertsitatean, Berkeleyn, egin zituen kimika ikasketak, eta han lortu zuen lizentzia 1931n, doktoretza 1933an, eta hantxe hasi zen irakasle-lanean. 1943an, Chicagoko Unibertsitateko kimika irakasle izendatu zuten. Aurrerago, Kaliforniako Unibertsitatera joan zen, eta han hamar urtez lan egin zuen. Princetongo Unibertsitatean ere lan egin zuen, baina 1941ean, Bigarren Mundu Gerra zela eta, eten egin behar izan zuen egonaldia, Columbia Unibertsitateko Manhattan proiektuan lan egitera deitu baitzuten. 1954an, Dwight D. Eisenhower presidenteak Estatu Batuetako Energia Atomikoaren Batzordeko kide izendatu zuen, eta kargu horretan jarraitu zuen, 1959an karguari uko egin zion arte.
Uranioaren isotopoak bakartzeko lanetan jardun zuen, Columbia Unibertsitatean. Ehun bizien erradioaktibitatea neurtzen aditua zen; tritioa atmosferan nola eratzen den agertu zuen, eta gai organikoak edo karbonozko gaiak dituzten objektuek zenbat karbono-14 duten neurtuz gauzen antzinatasuna erabakitzeko metodo bat asmatu zuen, arkeologian, geologian, paleontologian eta geofisikan asko erabiltzen dena.
Sariei dagokienez, Elliott Cresson domina jaso zuen 1957an, eta Kimikako Nobel saria irabazi zuen 1960an.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/28 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
- (Ingelesez) Willard Libby Nobel sarien web-orrian
| Autoritate kontrola |
|
|---|
Datuak: Q190486
Multimedia: Willard Libby / Q190486
